තැලසීමියා පොරොන්දම යනු වාහකයන් දෙදෙනෙක් අතර විවාහයන් වැලක්වීමට හා ඒ පිළිබඳව දැනුවත් භාවය වැඩි කිරීම සඳහා ගෙන ආ සංකල්පයකි.
තැලසීමියා රෝගය සුව කල නොහැකි වුවත් එය සම්පුර්ණයෙන්ම වලක්වා ගත හැකි රෝගී තත්වයකි.
තැලසීමියා රෝගයෙන් තොර දරුවෙක් සදහා එකම අවශ්‍යතාවය වනුයේ දෙමව්පියන්ගෙන් එක අයෙකු හෝ නිරෝගී වීමයි.(පෙර ලිපි වලින් පැහැදිලි කල අයුරින් )
මේ සඳහා ඔබ කල යුත්තේ කුමක්ද?
සෑම අයෙක්ම විවාහය සඳහා තම සහකරු හෝ සහකාරිය තෝරා ගැනීමට පෙර රුධිර පරීක්ෂාවක් මගින් තමා වාහකයෙකුදැයි හඳුනා ගන්න.එවිට විවාහය පිළිබඳව බුද්ධිමත් තීරණයක් ගත හැකිය.
වාහකයෙකු නම් තවත් එවැනි වාහකයෙකු සමග විවාහ ගිවිස නොගැනීමට වග බලාගන්න.
(තැලසීමියා පොරොන්දම නොගැලපේනම්)
ඔබ වාහකයෙකු නොවේ නම් ඔබ තැලසීමියා වහකෙයෙකු හෝ රෝගියෙකු සමග විවාහ වුවත් ඔබට දාව තැලසීමියා රෝගී දරුවෙකු බිහි නොවේ .
ඔබගේ ඉදිරි පියවර විය යුත්තේ,
ඔබේ විවාහයට පෙර හැකි ඉක්මනින් ලගම ඇති තැලසීමියා මධ්‍යස්ථානයක් වෙත යන්න .එහිදී ඔබගෙන් රුධිර සාමපලයක් ගෙන නොමිලයේ පරීක්ෂා කර බලනු ලබන අතර පැයකටත් අඩු කාලයකදී එහි ප්‍රතිපල ලබාදෙන අතර වෛද්‍යවරයෙකු විසින් එය පරීක්ෂා කර බලා ඔබ නිරෝගී නම් හරිත පතක්ද ඔබ වාහකයෙකු නම් රෝස පතක්ද නිකුත් කරනු ලැබෙයි.
කුරුණෑගල ජාතික තැලසීමියා මධ්‍යස්ථානයේදී
සතියේ දින වලදී නම් පෙ.ව 8.00-ප.ව 11.30
ප.ව 2.30-ප.ව 3.30
සෙනසුරාදා දින පෙ.ව 8.00-ප.ව 11.30
යන කාලයන් හිදී රුධිර පරීක්ෂාවන් සිදු කරනු ලැබේ.
ඉරිදා සහ රජයේ නිවාඩු දින වලදී වසා ඇත.
සියලු පොරොන්දම් ගලපමින් රුපියල් දහස් ගණනින් වැය කරමින් සිදු කරන ඔබේ විවාහය අරුත්දායක වීමටත් ඔබේ අද නොසැලකිල්ල හෝ ප්‍රමාදය පසුව පසුතැවිල්ලක් නොවීමටත් වගබලා ගැනීමේ හැකියාව ඇත්තේ ඔබටමය,.ඔබත් අදම ඔබේ රුධිර පරීක්ෂාව කරගන්න .
වලක්වා ගත හැකි මෙවැනි රෝගිත්ත්වයන් වලක්වා ගැනීමට අවශ්‍ය පියවර ගැනීම සැම පුරවැසියෙකුගේම යුතුකමකි.
වැඩි විස්තර සඳහා
ජාතික තැලසීමියා මධ්‍යස්ථානය
ශික්ෂණ රෝහල
කුරුණෑගල
037-2222261/62
037-2233906
0372224131
Email-ntckurunegala@yahoo.com
