අප ඉහතින් සදහන් කල පරිදි මෙම රෝගය ඇති වන්නේ රතුරුධිරානු වල ඇති ග්ලොබින් ප්‍රෝටීනය නිෂ්පාදනයේ දුබලතාවක් නිසාවෙනි.මෙහි ඇල්ෆා හා බීටා දාම සලකා මෙම රෝගය ප්‍රදාන වශයෙන් කොටස් කිහිපයකට වර්ගකරනු ලැබේ.
මෙයිනුත් ශ්‍රී ලාංකික අපට ප්‍රධාන වශයෙන්ම වැදගත් වන ප්‍රභේද වන්නේ
- බීටා තැලසීමියාව
- ඇල්ෆා තැලසීමියාව
- ඊ බීටා තැලසීමියාව
තැලසීමියා රෝගය වැළදෙන්නේ කෙසේද?
අපගේ ශරීරයේ හැඩරුව හා ක්‍රියාකාරිත්වය තීරණය වන්නේ දෙමව්පියන්ගෙන් අපට උරුම වන ජාන මගිනි.
දරුවෙකු පිලිසිඳ ගැනීමේදී සිදුවන්නේ මවගෙන් හා පියාගෙන් ලැබෙන ජාන කොටස් එකට බද්ධ වීමයි.
එලෙසම රතුරුධිරාණු වල ඇති ග්ලොබින් ප්‍රෝටීනය සාදන්නේද මෙලෙස ජාන එකට ඒකාබද්ධ වීමෙනි.
තැලසීමියාව සෑදෙන්නේ අසමාන්‍ය ග්ලොබින් ජන හේතුවෙනි.
පිළිසිඳ ගැනීමකදී එක් අයෙකුගෙන් ලැබෙන අසමාන්‍ය තැලසීමියා ජානය අනෙක් සහකරු හෝ සහකාරිය ගෙන් ලැබෙන සාමාන්‍ය ජානය සමග එක්වී ලැබෙන දරුඅව කිසි විටෙක තැලසීමියා රෝගියෙක් බවට පත් නොවේ.එනමුත් එම දරුවා තැලසීමියා වාහකයෙක් විය හැකිය .
මව හා පියා යන දෙදෙනාටම අසාමාන්‍ය තැලසීමියා ජාන උරුම වූ විට ඔවුන්ගෙන් බිහිවෙන සමහර දරුවන්
තැලසීමියා රෝගීන් විය හැකිය.මෙය පහත රූප සටහන මගින් පැහැදිලිව අවබෝධ කරගත හැකිය .
මේ අණුව වාහක දෙමව්පිය යුගලයකට තැලසීමියා රෝගී දරුවෙකු ලැබීමේ ඉඩ ප්‍රස්ථාව 25% වේ.
වාහක දරුවෙක් ලැබීමේ අවස්ථාව 50% වේ.නිරෝගී දරුවෙක් ලැබීමේ අවස්ථාව 25% වේ.
ඒ අනුව නිරෝගී පුද්ගලයෙක් සමග විවාහ වන තැලසීමියා වාහකයෙක් හෝ රෝගියෙක්ට කිසිම විටක රෝගී දරුවෙක් ලැබීමේ අවස්ථාවක් නැත.
(වාහකයෙකු යනු තැලසීමියා රෝග ලක්ෂණ නොපෙන්වන නමුත් රෝගය ඉදිරි පරම්පරාවලට දායක කල හැකි පුද්ගලයන් වේ.)
No comments:
Post a Comment